نكرهك

شعر محكي :: محمد الدنقلي

نكرهك .. وحق حبك نكرهك ..
مش لأني نكرهك ..
أو غرامي فيه شك ..
بس هالكلمه الرّهيبه ..
قاسيه .. كيف حبي لك ..


نكرهك فوق الكريهه ..
وكل يوم نقول فيها ..
للّي ماشي ، وللّي جاي ،
وللّي عاقل ، والسفيهه .
المحبه .. ما عرفت نْبوح بيها ..
والحكايه .. ما لقيت حروف ليها ..
لَجل حبَّك يختلف عن أيّ حب ..
في حياتي ما اتصَّادفت بشبهه ..
لَجل روحك تختلف عن أيّ روح ..
خفْت منها ، وخفْت من عيني عليها ..
كيف بنْسمّي غرامك ..
والأسامي عاجزه إنها تسمّي ؟
كيف بنْصوّر غرامك ..
وأنا كلامي تاه بين صوتي وفمّي ..
والبديله .. كل ليله … نكرهك ..
مش لأنّي نكرهك ..
أو غرامي فيه شك ..
بس .. هالكلمه الرّهيبه ..
قاسيه .. كيف حبي لك … نكرهك …
من ديوان / أبصر كيف .. 2006

عن ss2018

شاهد أيضاً

ثقب أخر الذاكرة

شعر / محمد الكشكري ما عدت أحتمل الضجيج بداخليو الأنة الحمقاء تغتال السكينة حاسرةأنا لست ...

كرة القدم النسائية ” ضربة حرة مباشرة في وجه العادات والتقاليد “

نهلة المهدي – ليبيا رؤى قدح ذات الاثنى عشر ربيعا إحدى المتدربات في أكاديمية الرياضي ...

للتفاعل مع الموضوع قم بكتابة تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: